Cosa serve
- 10 massi de baxaicò
- 2 gaeli d'aggio
- 5 cûggià de parmiggian
- ûn gotto e mëzô d'euio
- unn-a spellinsigâ de sâ
Lavè e fêuggie de 10 massi de baxaicò, sciughele e metteile in to môrtà con düi gaeli d'aggio e unn-a spellinsigâ de sâ.
Manôvrè o pestello in moddo che e fêuggie se possan disfà in scià parete do môrtà e non seggen pestè in to fondo.
Azzunze ûn po' pe votta 5 cûggià de parmiggian e, ad amalgama ottegnûa, travasè in unn-a terrinn-a azzunzendo ûn gotto e mëzô d'euio e remesciando con ûn cûggià de legno.
Avviè cosci ûn di ciû antighi mangià de Zena.
| < Prec. | Succ. > |
|---|